கை ரேகை பலன் (KAIREGAI JOTHIDAM IN TAMIL)

இந்த சாஸ்திரம் பண்டைய காலத்தில் ஞானிகளால் உருவாக்கப்பட்டது. காலப்போக்கில் இது பலராலும் திருத்தப்பட்டு கைரேகை ஜோதிடம் என்று உருவாக்கப்பட்டது. முக்கியமாக இந்த சாஸ்திரம் பார்க்கக்கூடிய முறைகள் வலது கை மற்றும் இடது கை.

வலது கை சொல்லக்கூடியது நமது வாழ்க்கை நிலை குறித்து பயணிக்க கூடிய அமைப்பு.

இடது கை சொல்லக்கூடியது நமது எண்ணம், அலைஓட்டங்கள் சொல்லக்கூடிய அமைப்பு.

இது ஆண்களுக்கும் பெண்களுக்கும்.

வலது கை சொல்லக்கூடியது உங்களது விதி, வாழ்க்கை தரம், உங்களது பெயர், புகழ், எதை நோக்கி உங்களது வாழ்க்கையை பயணிக்கப் போகிறீர்கள் போன்றவற்றின் அமைப்பு.

இடது கை சொல்லக்கூடியது உங்களது எண்ணங்கள், ஆசைகள் போன்றவற்றின் அமைப்பு.

ஆண்களுக்கு வலது கையும், பெண்களுக்கு இடது கையும் பார்க்க கூடிய அமைப்பு. 40 வயதிற்கு மேலே இருக்க கூடிய நபர்கள், ஆண் மற்றும் பெண் இருவருக்கும்  துல்லியமான பலன்கள் தெரியக்கூடிய அமைப்பு ஏற்படும்.

இந்த கைரேகை சாஸ்திரத்தின் முக்கியமான 4 ரேகைகள்: இருதய ரேகை, புத்தி ரேகை, ஆயுள் ரேகை மற்றும் விதி ரேகை.

இந்த 4 ரேகைகள் தான் நம்மை ஆளக்கூடிய ரேகைகள்.

அதே நிலையில், 9 நவகிரகங்களும், குரு மேடு, சுக்ர மேடு, சனி மேடு, சூரியன் மேடு, புதன் மேடு, செவ்வாய் மேடு, சந்திரன் மேடு, ராகு மேடு மற்றும் கேது மேடு, இந்த 9 நவகிரகங்களும் உங்கள் கைரேகைகளிலே உள்ளது. அந்தந்த மேடுகளை பொறுத்து அந்தந்த கிரகங்களின் வலிமையை சொல்லக்கூடிய அமைப்பு. முக்கியமாக, விதி ரேகையை பொறுத்து உங்கள் வாழ்க்கைப்பயணம் தொடரக்கூடிய அமைப்பு.

மறுதரப்பினர் சொல்லக்கூடியது என்னவென்றால், இந்த கைரேகை ஜோதிடம் சித்தர்களும் முனிவர்களும் மட்டுமே பயன்படுத்தக்கூடிய கைரேகை சாஸ்திரமாக இருந்தது. சித்தர்களும் முனிவர்களும் அதிகபட்சமாக காடுகளில் தவம் செய்யக்கூடியவர்களாக இருந்தார்கள்.

காட்டில் இருந்த பழங்குடினர்  முனிவர்களுக்கு சேவை செய்பவர்களாகவும், அவர்கள் அந்த காட்டில் இருந்த பழங்குடியினருக்கு இந்த கைரேகை ஜோதிடத்தை கற்று கொடுத்ததாகவும் சொல்லப்படுகிறது.

ஒருவரின் வாழ்க்கை பயணத்தை ஜாதகத்தை விட கைரேகை ஜோதிடம் துல்லியமாக அறிய உதவிகிறது.

ஒருவரின் கைரேகை போல அடுத்தவரின் கைரேகை இருக்காது. அதுபோல, கட்டை விரல் ஜோதிடம் என்கிற அமைப்பில், ஒருவரின் கட்டை விரல் ரேகை அமைப்பு மற்றொருவருக்கு இருக்காது. நாடி ஜோதிடத்தில் கைரேகை சாஸ்திரம், கட்டை விரல் சாஸ்திரம் போன்ற அமைப்புகளும் உள்ளது.

கட்டை விரல் ரேகைகளில் ஏற்படும் சுழற்சிகள் அமைப்பை மையமாக வைத்து பலன்கள் சொல்லப்படுகிறது. இந்த கைரேகை அமைப்பு நாம் தாயின் கருவறையில் உள்ளபோது ஏற்படும். நாம் பிறக்கும் போதே நம் விதி இந்த கைரேகைகள் மூலம் தீர்மானிக்கப்பட்டு நமது வாழ்க்கை அப்படியே அமைக்கப்பட்டு நாம் இந்த பூமியில் பிறக்கிறோம்.