Thirumana Porutham

2. கணப் பொருத்தம்:

தேவ கணம், மனுஷ கணம், மற்றும் ராட்சச கணம் ஆகிய மூண்றின் அடிப்படையில் தான் ஜோதிட சாஸ்திரத்தில் நட்சத்திரங்களை பிரிக்கிறார்கள். திருமண வாழ்வு சிறப்புமிக்கதாக அமைய இந்த கணப் பொருத்தம் மிகவும் அவசியம்.

திருமணத்திற்கு பின் மணப்பெண் மற்றும் மணமகன் அனுசரித்தும் புரிதலோடும் வாழ்வார்களா என்று குண நலன்களை அடிப்படையாக கொண்டு கணிப்பது தான் கணப் பொருத்தம்.

தேவ கணம் – உயர்ந்த லட்சியங்கள், சிந்தனைகள், சிறந்த எண்ணங்கள் உள்ளவர்களாக இருப்பார்கள்.

தேவகணத்தைச் சேர்ந்த 9 நட்சத்திரங்கள்: அஸ்வினி, மிருகசீரிஷம், புனர்பூசம், பூசம், அஸ்தம், சுவாதி, அனுஷம், திருவோணம், ரேவதி.

மனுஷ கணம் – மனுஷ கணம் உள்ளவர்கள் சூழ்நிலைக்கு தக்கதாக மாறும் குணம் உடையவர்கள்.

பரணி, ரோகிணி, திருவாதிரை, பூரம், பூராடம், பூரட்டாதி, உத்திரம், உத்திரட்டாதி ஆகிய ஒன்பது நட்சத்திரங்கள் மனித கணம்.

ராட்சச கணம் – இவர்கள் யாருக்கும் அடங்காதவர்களாக இருப்பார்கள்.

கிருத்திகை, ஆயில்யம், மகம், சித்திரை, விசாகம், கேட்டை, மூலம், அவிட்டம், சதயம் ஆகிய இந்த ஒன்பது நட்சத்திரங்களும் ராட்சச கணங்கள்.

3.      மகேந்திர பொருத்தம்:

புத்திர சம்பத்து அல்லது குழந்தை பாக்கியத்தை கணிப்பது இந்த மகேந்திரப் பொருத்தம். இந்த பொருத்தம் இருந்தால் தம்பதிகளுக்கு புத்திரர்கள் மூலம் சம்பத்துக்கள் பெருகும்.

மணப்பெண்ணின் நட்சத்திரத்தில் இருந்து எண்ணும்போது மணமகனின் நட்சத்திரம், 4, 7, 10, 13, 16, 19, 22, 25 ஆவதாக வந்தால் அவர்களுக்கு மகேந்திரப் பொருத்தம் உண்டு.

4. ஸ்திரீ தீர்க்கப் பொருத்தம்

மணப்பெண் தீர்க்க சுமங்கலியாக, பூரண ஆயுளோடு இருப்பார்களா என்பதை தெளிவாக சொல்லுவது தான் இந்த ஸ்திரீ தீர்க்கப் பொருத்தம்.

மணப்பெண்ணின் நட்சத்திரத்தில் இருந்து எண்ணும்போது மணமகனின் நட்சத்திரம் 13க்கும் மேல் இருந்தால் ஸ்திரீ தீர்க்கம் உண்டு. மேலும் 7க்கும் மேலே இருந்தால் நடுத்தரமான ஸ்திரீ தீர்க்கம் உண்டு என்று சிலர் கூறுவர். இந்தப் பொருத்தம் இல்லை என்றால் மணப்பெண்ணுக்கு தீர்க்காயுள் குறைவுபடும் .

5. யோனி பொருத்தம்

கணவன் மனைவியின் அன்யோனியத்தையும் தாம்பத்யத்தையும் கணிப்பது தான் இந்த யோனி பொருத்தம். ஒவ்வொரு நட்சத்திரத்திற்கும் தனித் தனியாக விலங்குகளின் பெயர்கள் கொடுக்கப்பட்டுள்ளது. கணவன் மனைவியின் நட்சத்திரங்கள் ஒரே யோனியாக இருந்தால் நல்லது. இது அவர்களின் தாம்பத்தியம் சிறப்பாக இருக்கவும் மற்றும் சகல ஐஸ்வர்யங்களும் கிடைக்கும் உதவும். பகை யோனிகள் பொருந்தாது, பகை இல்லாமல் வெவ்வேறு யோனிகளாக இருந்தால் பொருந்தும்.

• பசு- புலி
• யானை- சிங்கம்
• குதிரை- எருமை
• நாய் – மான்
• கீரி- பாம்பு
• குரங்கு- ஆடு
• பூனை- எலி

ஆண்-பெண் அல்லது பெண்-ஆண் நட்சத்திரங்களில் இருந்தால் அந்த மிருகங்களுக்குள் அதிக விரோதம் இருப்பதுப் போல தம்பதியினருக்கும் ஒற்றுமை இருக்காது.

6. ராசி பொருத்தம்

கணவன் மனைவி நல்ல புரிதலுடன் நீண்ட காலம் சந்தோசமாக வாழ்வார்களா என்று கணிப்பது தான் ராசி பொருத்தம். ஐந்து பொருத்தங்களுள் இதுவும் முக்கியமான ஒன்று.

மணப்பெண் ராசிக்கு 2 ஆம் இடம் மணமகன் ராசியாக இருந்தால் ஆயுளுக்குத் தோஷம் உண்டாகும். ஆகவே திருமணம் செய்ய கூடாது. 6வது ராசியாக வந்தால் புத்திர நஷ்டம் மற்றும் புருஷன் அல்லது மனைவி நோய்வாய்ப்படுவார்கள். 9வது ராசியாக இருந்தால் தீர்க்காயுளுடன் மாங்கல்யபலம் உண்டாகும். 10வது ராசியாக இருந்தால் திரவிய லாபம். 11வது ராசியாக வந்தால் சந்தோஷமும் சுகமும் உண்டு.

7. ராசி அதிபதி பொருத்தம்

திருமணத்திற்கு பின் கணவன் மனைவியின் மனநிலை, அதாவது நட்புடன் இருப்பார்களா, பகைமை உணர்வுடன் இருப்பார்களா அல்லது சமமான மனநிலையுடன் இருப்பார்களா என்பதை கணிப்பது தான் இந்த ராசி அதிபதி பொருத்தம்.

இதில் நட்பு, சமம், பகை என மூன்று நிலைகள் உள்ளன. இதில் நட்பு அல்லது சமம் வந்தால் அந்த ராசி அதிபதிக்கு பொருத்தம் உள்ளது. பகை வராக் கூடாது.

மணமகள் ராசி அதிபதியும் மணமகன் ராசி அதிபதியும் நட்பாகவோ சமமாகவோ அமைந்தால் அவர்களுக்கு இடையே பொருத்தம் உண்டு. அதே பகையாக இருந்தால் பொருத்தம் இல்லை.

ராசி அதிபதிப் பொருத்தம் நன்கு அமைந்திருந்தால், அந்த தம்பதியரின் புத்திரர்கள் அதிர்ஷ்டசாலியாகவும், நீண்ட ஆயுளுடன், புகழுடன் இருப்பார்கள்.

8. வசிய பொருத்தம்

திருமணத்திற்கு பின் கணவன் மனைவி ஒருவர் மீது ஒருவர் நேசமாகவும் வசீகரத்துடனும் எப்போதும் பிரியமாலும் இருக்கவும் வசிய பொருத்தம் அவசியம். மணமகளின் ராசி மணமகனின் ராசிக்கு வசியப்பட்டு இருந்தால் இந்த வசியப் பொருத்தம் பொருந்தி உள்ளது என்பதைக் குறிக்கும்.

9. ரஜ்ஜு பொருத்தம்

கணவனின் உயிர் மற்றும் உடல் குறித்த கணிப்புகள் நிறைந்த ரஜ்ஜு பொருத்தம் பத்து பொருத்தத்தில் மிகவும் முக்கியமானதாக கருதப்படுகிறது.

சிரசு (தலை) ரஜ்ஜு, கண்ட (கழுத்து) ரஜ்ஜு, உதர (வயிறு) ரஜ்ஜு, பாத ரஜ்ஜீ, ஊரு (தொடை) ரஜ்ஜு என ஐந்து வகையான ரஜ்ஜுகள் உள்ளன.

மணப்பெண்ணின் ரஜ்ஜூவும் மணமகனின் ரஜ்ஜூவும் ஒரே ரஜ்ஜூவாக இல்லாமல் இருந்தால் இருவரும் நலமோடு வாழ்வார்கள்.

10. வேதை பொருத்தம்

திருமணத்திற்கு பின் கணவன் மனைவி சந்தோசமாக கவலைகள் இல்லாமல் மனத் திருப்தியுடனும் இருப்பார்களா என்பதை கணிப்பது இந்த வேதை பொருத்தம்.

இந்த வேதைப் பொருத்தம் இருந்தால் மணமக்கள் வேதனைகள் எதுவும் இல்லாமல் இருப்பார்கள். வேதை என்றால் ஒன்றுக்கொன்று தாக்குதலை ஏற்படுத்தும் என்று பொருள்படும். இது மாங்கல்ய பலத்தை குறிக்கிறது. இரு நட்சத்திரங்களுக்கு இடையே வேதை இருந்தால் அவற்றுள் பொருத்தமில்லை என்று பொருள்.

இந்த பத்து பொருத்தங்கள் மட்டும் வைத்து ஒரு திருமணத்தை நிச்சயிக்க முடியாது.

ஆண் பெண் இருவரின் ஜாதகத்தையும் மிகவும் நுணுக்கமாக பார்க்க வேண்டியது அவசியம். மாங்கலிய பலம் மற்றும் கிரக அமைப்புகள் போன்ற பல்வேறு விஷயங்களை ஆராய வேண்டியது அவசியம்.

எனவே, ஒரு சிறந்த ஜோதிடரை அணுகி திருமணப் பொருத்தம் பார்ப்பதே திருமணத்தை நிச்சயிக்க சிறந்த வழியாகும்.